अदालतमा ‘सेटिङ’ भएको प्रधानमन्त्रीको खुलासा, संसद पुनर्स्थापना भए आन्दोलन

एकता न्यूज / फाल्गुन ८, २०७७ - शनिबार

काठमाडाैं । प्रधानमन्त्री केपी ओलीले प्रतिनिधि सभा विघटनको मुद्धामा सर्वोच्च अदालतमा ‘सेटिङ’ भइरहेको खुलासा गरेका छन्।

शनिबार बिराटनगरमा भएको आमसभामा बोल्दै प्रधानमन्त्री ओलीले ‘सेटिङ–फेरिङ’ भएमा आन्दोलन गर्ने चेतावनी समेत दिए ।

अन्य दलले प्रतिनिधिसभा विघटन सदर गराउन ‘सेटिङ’ गरिरहेको आरोप लगाइरहेका बेला प्रधानमन्त्री ओलीले भने संसद पुनर्स्थापनाका लागि सेटिङ भैरहेको दावी गरे ।

‘कुनै सेटिङ(फेटिङ भएर संसद विघटन सदर भएन भने आन्दोलनको विकल्प छैन,’ उनले भने। ओलीले अहिलेको जनअपेक्षा चुनाव भएको भन्दै त्यसविपरीत निर्णय आए आन्दोलनका लागि तयार रहन समेत कार्यकर्तालाई भने।

उनले देश चुनावमा गइसकेको र प्रधानमन्त्रीलाई चुनाव गराउने अधिकार रहेको बताए। चुनाव वैशाखमै हुने दाबी दोहोर्‍याउँदै ओलीले आफूले नेतृत्व गरेको नेकपाले नै बहुमत ल्याउने बताए।

प्रधानमन्त्री ओलीले प्रतिनिधिसभा विघटनमा सर्वोच्च अदालतले अन्यथा फैसला गर्छ भन्ने कल्पना गर्न नसकिने बताएका छन् । ‘सम्मानित सर्वोच्च अदालतले कुनै दबावमा अन्था फैसला गर्छ भन्ने कल्पना गर्न सकिन्न म भन्न चाहन्छु ।’

कुनै कारण प्रतिनिधि सभा पुनस्र्थापना हुने भयो सांसद किनबेच, सरकार बनाउनेढाल्ने खेल हुने र यसले लोकतन्त्रलाई कमजोर बनाउने उनले बताए । देशलाई अस्थिरतातिर फर्काउने होइन भन्दै उनले भने, ‘सम्मानित सर्वोच्च अदालतले देशभर भइरहेको यस्ता सभालाई हेरेको होला, यस्ता सभामाहरुबाट प्रकट भएको जनताको अभिमत हरेको होला । संधिानको मम र भावना हेरेको होला । मुलक कता जान्छ भन्ने विश्लेषण गरेकै होला ।’