प्रधानमन्त्रीले थपे ९ मन्त्री, २ हटाइए, पुराना ६ मन्त्रीको जिम्मेवारी हेरफेर

एकता न्यूज / पुस १०, २०७७ - शुक्रबार


काठमाडौं । प्रधानमन्त्री केपी शर्मा ओलीले ९ जना मन्त्री थपेर मन्त्रिमण्डल विस्तार तथा हेरफेर गरेका छन् ।

पुनारा ६ जना मन्त्रीको जिम्मेवारी हेरफेर गर्दै प्रधानमन्त्री ओलीले २ जना मन्त्री हटाएर ९ जना थप गर्दै मन्त्रिमण्डल विस्तार तथा हेरफेर गरेका हुन् ।

हेरफेरमा युवा तथा खेलकुदमन्त्री जगत विश्वकर्मा र उद्योग राज्यमन्त्री मोती दुगड बिदा भएका छन् ।

पुनर्गठित मन्त्रिपरिषदमा टोपबहादुर रायमाझी उर्जा मन्त्री भएका छन् । त्यस्तै मणि थापा खानेपानी, प्रभु साह शहरी विकास र प्रेम आले वन मन्त्री भएका छन् ।

त्यस्तै गणेश ठगुन्ना सामान्य प्रशासनमन्त्री र गौरी शंकर चौधरी श्रम मन्त्री भएका छन् भने दावा लामा युवा तथा खेलकुद मन्त्री भएका छन् ।

जुली कुमारी महतो महिला बालबालिका मन्त्री भएकी छन् भने विमला विश्वकर्मा उद्योग राज्यमन्त्री बनेकी छन् ।

यसअघि स्वास्थ्यमन्त्री रहेका भानुभक्त ढकाल पर्यटन र संघीय मामिला मन्त्री रहेका हृदयेश त्रिपाठी स्वास्थ्य मन्त्री बनेका छन् ।

यसअघिका महिला बालबालिका मन्त्री लीलानाथ श्रेष्ठ कानून र कानूनमन्त्री शिवमाया तुम्बाहाङ्फे भूमिसुधार मन्त्री बनेकी छन् । भूमिव्यवस्था मन्त्री पद्मा अर्यालले कृषि मन्त्रालयको जिम्मेवारी पाएकी छन् ।

त्यस्तै शहरी विकास मन्त्री कृष्ण गोपाल श्रेष्ठ शिक्षामन्त्री भएका छन् । यसैबिच नवमन्त्रीहरुको शीतल निवासमा शफत ग्रहण भएको छ।

Comment from facebook

Top