कर्मचारीको सरुवा कार्तिक २५ देखि मंसिर २७ सम्म रोक

एकता न्यूज / कार्तिक १९, २०७७ - बुधबार


कार्तिक २५ देखि मंसिर २७ सम्म कर्मचारीको सरुवा तथा काज सरुवामा रोक लगाइएको छ ।

निजामती कर्मचारीहरूको आधिकारिक ट्रेड युनियनको निर्वाचनलाई लक्षित गरी निर्वाचन कार्यालयले सरुवा र काज सरुवामा रोक लगाएको हो ।

प्रमुख निर्वाचन अधिकृतको कार्यालयले सूचना निकालेर मंसिर २७ गते गर्ने निर्वाचनको मिति तोक्दै निर्वाचन प्रयोजनका लागि कात्तिक २५ गतेदेखि निर्वाचन नसकिँदासम्म कर्मचारीको सरूवा वा काज सरूवा गर्न नपाइने नियम बनाएको छ ।

‘निर्वाचन सम्पन्‍न नभएसम्म निजामती सेवा ऐन २०४९ को दफा ५३ ९२० ९क० र निजामती कर्मचारीको आधिकारिक ट्रेड युनियनको निर्वाचन सम्बन्धी विनियमावली २०६९ को विनियम १०९१० बमोजिम मतदाता हुने कर्मचारीको कात्तिक २५ देखि सरूवारकाज सरूवालगायत कार्य नगर्न नगराउन र सरूवा भइसकेको भए रमाना नगर्न नगराउन अनुरोध गरिन्छ,’ कार्यालयले निकालेको सूचनामा उल्लेख छ । निर्वाचन अधिकृतको कार्यालयले आचारसंहिता लागू गर्न प्रधानमन्त्री तथा मन्त्रिपरिषद कार्यालयदेखि सबै मन्त्रालयलाई आग्रह गरेको छ ।

आधिकारिक ट्रेड युनियनका अध्यक्ष भोलानाथ पोखरेलले निरवाचन अधिकृतको कार्यालयले मंसिर २७ गते शनिबार निर्वाचन गर्नेगरी निर्वाचनको कार्यतालिका सार्वजनिक गरेको बताए । उनले मंसिर १० गते मतदाता नामावली प्रकाशन हुने पनि जानकारी दिए ।

कार्यालयको सूचना अनुसार मंसिर १४ गते उम्मेदवारी दर्ता, मंसिर १६ गते उम्मेदवारको अन्तिम नामावली प्रकाशन र मंसिर २७ गते शनिबार बिहान ९ देखि ५ बजेसम्म मतदान हुनेछ ।

अध्यक्ष पोख्रेलले तोकिएको समयमा निर्वाचन गरेर, निर्वाचनमार्फत आउने नयाँ कार्यसमितिलाई जिम्मेबारी हस्तान्तरण गर्न आफूहरु आतुर रहेको बताए ।

विभिन्‍न पार्टी निकट कर्मचारीहरूबीच स‌ंघीय निजामति कर्मचारी एैन आएपछि ट्रेड युनियनको निर्वाचन गर्ने र नआउदै गर्ने भन्‍नेमा मतभिन्‍नता छ । तत्कालिन माओवादी निकट कर्मचारी संगठनबाहेक अन्य सबै संगठन केही पदाधिकारी तत्काल अधिवेशन गर्नुपर्छ भन्‍ने पक्षमा छन् । केही भने एैन आएपछि गर्नु पर्छ भन्‍ने पक्षमा रहेकाले महाधिवेशन हुने र नहुनेमा अझै द्विविधा छ । अझ अर्थ मन्त्रालयले निर्वाचनका लागि बजेट छुट्टाएको छैन ।

अहिले कोभिड-१९ को महामारी रहेको र आगामी जेठ १९ गतेसम्म सार्न मिल्ने भएकाले सर्न सक्ने सम्भावना पनि रहेको एक पदाधिकारीले बताए ।

सरकारले ट्रेड युनियनको निर्वाचन गर्न कानुनका सहसचिव कलानिधि पौड्यालको स‌योजकत्वमा निर्वाचन समिति बनाएको छ ।

Comment from facebook

Top