गाउँकाे मौलिक भैलोको तिर्सना मेटाउने म्युजिक भिडियो बजारमा

तिहारमा शहर बजारमा खेलिने भैलो हेर्दा धेरैको प्रतिकृया हुन्छ ‘गाउँको जस्तो मौलिक र रसिलो भए पो हेर्नु ।’ युट्युवमा हेर्न पाइने देउसी भैलोले पनि गाउँबाट शहर पुगेकाहरुलाई भैलोको तिर्सना मेटाउँदैन ।

मौलिक भैलोको यही तिर्सना मेटाउन गायक नारायण घर्तीले मौलिक देउसी भैलो ल्याएका छन् । नजिकिदै गरेको तिहारलाई लक्षित गरी ‘भैलो आयो रे’ बोलको गित बजारमा ल्याएका घर्तीले गाउँले परिवेशलाई नजिकबाट नियालेर रचिएको बताएका छन् ।

शहरमा बसेकाहरुले जहिल्यै गाउँको झल्को मेटाउने देउँसी भैलो हेर्न नपाएकोले त्यही अभाव पूर्ति गर्नका लागि ‘भैलो आयो रे’ ल्याएको उनको भनाई छ । ‘यो म्युजिक भिडियो हेर्दा भैलेनीहरु घरमै आएजस्तो अनूभुति गराउने छ’, उनले भने ।

पेशाले निजामति सेवाका अधिकृत रहेका घर्तीघर्तीले यसअघि दँशैमा घरबाहिर रहेकाहरुको भावना समेटेको गीत ‘म परदेशी’ बजारमा ल्याएका थिए । जुन गीत छोटो समयमै निकै लोकप्रीय बनेको थियो । आफूलाई पहिल्यै देखि गाउँको मौलिक संस्कृतिसँग जोडिएको र घर जान नपाउनेहरुले भरपूर मनोरञ्जन लिनेगरी म्युजिक भिडियो तयार गर्ने चाहना रहेपनि नमिलेको र यसपटक सरकारी जागिरबाट फूर्सद मिलाएर भिडियो तयार पारेको उनको भनाई छ ।

नारायण घर्ती र कमला पोखरेलको स्वर रहेको ‘भैलो आयो रे’मा नेत्र अर्यालको शब्द र एरेञ्ज रामचन्द्र चन्दको संगीत संयोजन रहेको छ । हुम गैरेका निर्देशन तथा सम्पादनमा निर्माण भएको म्युजिक भिडियोमा चर्चित मोडल अञ्जली अधिकारी र लोमश शर्माको अभिनय छ ।

Comment from facebook