प्रहरी प्रधानकार्यालयकै टाउको दुख्नेगरी फेरी आयो भिटेनको छाडा गीत

एकता न्यूज / कार्तिक १३, २०७७ - बिहिबार


भिटेन नामले चिनिएका र्‍याप गायक समीर घिसिङले फेरी पनि छाडा शब्द बोलेको नयाँ गीत ल्याएपछि प्रहरीले खोजी गरेको छ ।

भिटेनले गाएको गीतमा महिलालाई अपमान गर्नेगरी छाडा शब्द बोलेको पाइएपछि गीत गाउनेदेखि भिडियो बनाउनेसम्मको काममा संलग्न सबैलाई प्रहरीले खोजी शुरु गरेको हो ।

प्रहरी प्रधान कार्यालयले उनीहरुको खोजी गरी अनुसन्धान गर्न साइबर ब्यूरोलाई पत्र लेखेको छ । प्रहरी प्रधान कार्यालयको पत्र पाएसँगै साइबर ब्यूरोले भिटेनको खोजी गरेको छ ।

भिटेन उनै गायक हुन, जसले यसअघि प्रहरी फन्दामा परेर अब आइन्दा त्यसो नगर्ने प्रतिबद्धता जनाएपछि छुटेका थिए।

गल्ती नदोहोर्‍याउने प्रतिबद्धता जनाएपनि फेरि त्यस्तै गीत गाएपछि अनुसन्धान गर्न लागिएको प्रहरी प्रवक्ता एसएसपी कुबेर कडायतले जानकारी दिए ।

भिटेनको हालै युट्युबमा सार्वजनिक ‘पारा’ शीर्षकको गीतमा उनले महिलाहरुलाई अपमान गर्दै ‘माल’ शब्दको प्रयोग गर्नुका साथै अरु अश्लील शब्दसमेत प्रयोग गरेका छन् ।

‘हामी यस्तै त हो नि ब्रो’ गीतमा पनि उनले महिलाहरुलाई ‘माल’ भन्नुका साथै प्रहरीको बदनाम गरेको आरोप लगाइएको थियो ।

Comment from facebook

Top